హిందుత్వం... మతం కాదు. ఒక జీవన విధానం!

చాలా కాలంగా కొన్ని బ్లాగుల్లో 'హిందుత్వ' మెక్కువేంటి? మిగిలిన మతాల తక్కువేంటి? అనే స్ధాయిలో ప్రారంభమయ్యి - మతమౌఢ్యమంటూ 'హిందూ తీవ్రవాదా'న్ని భూతద్దంలో చూపిస్తున్న రచనలను చూసి మధనపడి ఈ బ్లాగునకు శ్రీకారం చుట్టాను.

హిందుత్వ మీద ఇదివరకే కొన్ని బ్లాగులు ఉండవచ్చును గాక! కానీ అవి మత పరమైనవి, అధ్యాత్మిక పరమైనవీనూ! చారిత్రాత్మకంగా హిందుత్వాన్ని విశ్లేషించే బ్లాగు లేనందున, అట్టి బ్లాగు అవసరం ఎంతయినా ఉందనిపించింది.

భావితరాలు పుస్తకాలను మరచి - Ebooksకి, internetలకు అలవాటయిన రోజు, వారికి మొదట పేర్కొన్న రచనలే లభ్యమౌతాయి. అదీగాక ఆ రచయితలు తమ భావాలను వ్యక్తీకరించటంలో ఉధ్ధండులగుటచే, రాబోయే తరాలకు వారి ఉద్దేశ్యాలు ఆదర్శమయ్యే ప్రమాదం ఉంది.

హిందుత్వ మూలాలు తెలియకపోవటం వల్లనో, లేక వాటితో విభేదించటం చేతనో, ఈ రచయితలు చేసే ప్రచారం బలం పుంజుకోక మునుపే చికిత్సా చర్యలు చేపట్టటం మంచిదనిపించింది. లేదంటే పోనుపోనూ హిందుత్వ మూలాలను మన భారతీయులే మరచి ఎంతో practicalగా హిందుత్వాన్ని మత మౌఢ్యంగా అభివర్ణించే అవకాశం ఉంది.

వీటన్నిటికీ సమాధానంగా హిందుత్వ చరిత్రను ఇక్కడ ప్రతీ వారాంతాల్లో సమీక్షించుకుందాం!

సిధ్ధంకండి...


--- బృహఃస్పతి